ब्रेकिंग

क्रीडा

आयपीएल २०२५ मध्ये हेनरिक क्लासेन याने मारला सर्वात लांब षटकार

Samruddhi Dhayagude
25 Apr 2025

हैदराबाद : मुंबई इंडियन्सविरुद्ध बुधवारी खेळण्यात आलेल्या सामन्यात हैदराबादचा तडाखेबाज फलंदाज हेनरिक क्लासेनने खास विक्रमाला गवसणी घातली. हैदराबादचा संघ डगमगत असताना हेनरिक क्लासेनने ७१ धावांची तुफानी खेळी केली, ज्यात नऊ चौकार आणि दोन षटकारांचा समावेश आहे. यातील एका षटकारने सर्व विक्रम मोडून काढले. या सामन्यात हेनरिक क्लासेनने मारलेला एक षटकार आयपीएल २०२५ मधील सर्वात लांब षटकार ठरला आहे.

मुंबईविरुद्धच्या सामन्यात हैदराबादच्या फलंदाजांनी एकापाठोपाठ विकेट्स गमावली. अवघ्या ३५ धावांवर हैदराबादचा अर्धा संघ पव्हेलियनमध्ये परतला. संघ अडचणीत असताना हेनरिक क्लासेनने महत्त्वाची खेळी केली. दरम्यान, हैदराबादच्या डावातील दहाव्या षटकात कर्णधार हार्दिक पांड्याने चेंडू विग्नेश पुथूर याच्याकडे सोपवला.

या षटकातील पहिलाच चेंडू विग्नेशने शॉर्ट बॉल टाकला. या चेंडूवर क्लासेनने मोठा फटका मारून चेंडू १०७ मीटर लांब पाठवला. या षटकारासह तो आयपीलएल २०२५ मध्ये सर्वात लांब षटकार मारणारा फलंदाज ठरला.

आयपीएल २०२५ मध्ये सर्वात लांब षटकार मारणार्‍या फलंदाजांच्या यादीत सनरायझर्स हैदराबादचा युवा फलंदाज अभिषेक शर्मा दुसर्‍या स्थानवर आहे. तर, रॉयल चॅलेंजर्स बेंगलोरचा फिल सॉल्ट तिसर्‍या स्थानावर आहे. त्यानंतर ट्रेव्हिस हेड चौथ्य, निकोलस पूरन पाचव्या, अनिकेत वर्मा सहाव्या, टीम डेव्हिड सातव्या, ट्रिस्टन स्टब्स आठव्या, निकोलस पूरन नवव्या आणि शेरफेन रूदरफोर्ड दहाव्या स्थानावर आहे.